Charter Document - 06170009
| Charter Number: | 06170009 |
|---|---|
| Cartulary Title: | The Manuscripts of His Grace the Duke of Rutland preserved at Belvoir Castle |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1180 |
| Date type: | Assigned |
| Resource Link(s): |
|
Charter:
Sciant tam presentes quam futuri quod ego Henricus de Novoburgo et Robertus de Novoburgo filius meus concessimus et dedimus Ricardo de Vernon et heredibus suis in escambio terre sue de Radepunt cum omnibus pertinentiis quam de nobis tenuit ipse Ricardus medietatem de Bastendena et medietatem de Eshamesteda cum omnibus pertinentiis suis tam in hominibus quam in terris et redditibus et serviciis In bosco et plano In pratis et pasturis In aquis et molendinis In stagnis et vivariis In viis et semitis et in omnibus aliis locis exceptis his subscriptis que retinemus in manu nostra scilicet mesagium de Bastendena et terram Ernald venatoris et Osberti dispensatoris et Johannis Pusardi et Aulfi et Ricardi Huscarl et Alvredi nepotis Ivonis presbiteri Retinemus etiam in Eshamsteda Willelmum filium Ricardi et Rocelinum clericum cum redditu xij denariorum Predicti vero Ricardus et heredes sui tenebunt mesagium de Eshamsteda et terram Willelmi de Puteo in Eshamsteda simul cum prenominata terra libere et quiete de nobis et heredibus nostris pro omni servicio quod ad nos pertinet per servicium feodi dimidii militis Hanc autem conventionem firmiter tenendam fecimus quendam liberorum hominum nostrorum affidare per manum nostram et ad ipsum affidavit predictus Ricardus ex parte sua et homo meus et homo Roberti filii mei de hac terra quam ei et heredibus suis concessimus devenit Preterea fecimus Ricardum Infant hominem nostrum qui terram nostram defendere debet de schiris et hundredis et esse affidatum ipsius Ricardi ad defendendam terram suam sicut nostram Et si nos vel heredes nostri sibi et heredibus suis terram istam non possimus warantizare dabimus eis terram eiusdem valencie in Anglia in Stokes vel in Cotesmora Et si aliquis clamaverit in hereditagium predictam terram de Radepunt ipse Ricardus de Vernon warantizabit eam nobis et heredibus nostris Testibus Walkelino de Ferariis Rogero de Novoburgo Waltero Torel Gaufrido Fichet Gilleberto Pipard Waltero de Vernon Roberto de Witefeld Ricardo de Gersingdona Thoma de Drueval Milone de Langetot Ricardo filio Gaufridi
Source (click image below to view full size)
