Charter Document - 06170005
| Charter Number: | 06170005 |
|---|---|
| Cartulary Title: | The Manuscripts of His Grace the Duke of Rutland preserved at Belvoir Castle |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1181 |
| Date type: | Internal, Feast, Regnal |
| Resource Link(s): |
|
Charter:
Willelmus de Mandevilla comes Essexie omnibus hominibus suis Francis et Anglis clericis et laicis presentibus et futuris salutem Sciatis me concessisse et hac carta mea confirmasse in puram et perpetuam elemosinam Deo et ecclesie Sancte Marie Geroldon et monachis ibidem deo servientibus pro salute anime mee et uxoris mee et heredum et antecessorum meorum quatuor carrucatas terre in Estwelle cum omnibus pertinenciis liberas et quietas ab omni servicio quod ad comitem Albemarle pertinuit et quod ad me et heredes meos pertinet et ab omni servicio videlicet illas quatuor carrucatas quas monachi habuerunt ex donatione Radulfi Pincerne postquam idem Radulfus dirrationavit terram illam in curia domini Regis et ex confirmatione Willelmi de Evermu et confirmatione Willelmi comitis Albemarle de cujus feodo terra illa est Hanc autem confirmationem feci predictis monachis libera voluntate et peticione Hawise filie et heredis comitis Albemarle postquam accepi eam in uxorem Et prohibeo ne aliquis eos inde gravet neque inquietet neque molestiam faciat quia omnibus heredibus terre que de feodo meo est in Eitona et Estwell et omnibus qui terram illam tenuerunt vel tenebunt quietum clamavi a me et heredibus meis forense servicium et omne servicium quod ad comitem Albemarle pertinuit et quod ad me et heredes meos pertinet de terra monachorum Et ego et heredes mei adquietabimus terram illam in perpetuum de omni seculari servicio Hanc confirmationem feci predictis monachis anno regni Regis Henrici secundi vicesimo septimo ad Scaccarium Pasche apud Westmonasterium coram Gaufrido Elyensi et Johanne Norwicensi episcopis et Rannulfo de Glanvilla et Ricardo thesaurario domini Regis et Rogero filio Reinfridi et aliis justiciis et baronibus qui tunc ibi aderant Testibus his Simone de Bellocampo Hugone Talebot Wydone de Rokeford Willelmo filio Rogeri et Roberto fratre eius Radulfo de Mandevilla Willelmo de Otringeham Johanne de Rokella Sawal de Osevilla Wischard Leidet Rannulfo de Mandevilla Helya de Hyncton Osberto filio Ricardi Roberto constabulario Herberto de Sancto Quintino Simone de Creuequeor Drogone filio Radulfi Gilleberto de Colevilla Alexandre de Caisneto et pluribus aliis
Source (click image below to view full size)
