Charter Document - 06159058
| Charter Number: | 06159058 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Acknowledgment, Obligation |
| Date: | 1286 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Sciant omnes presentes et futuri quod ego Rogerus le Vavasseur recognosco me teneri Matheo priori de Cressyaco executori testamenti seu ultime voluntatis Mathei de Moy militis defuncti in sex decim solidis turonensibus et uno sextario ordei annui redditus quem redditum ego Rogerus le Vavasseur solvebam et debebam Johanni de Moy militi fratri defuncti Primo novem solidos pro tribus virgis terre sitis inter terram Johannis de Peretot militis et terram Bertini le Sueur ex una parte et terram Johannis le Vavasseur et nemus Petri Fortin ex altera aboutantibus ad viam concavi quercus ex uno buto et ad terram Gilleberti le Petit et terram Bertiai le Sur ex altero item septem solidos pro una acra nemoris sita inter nemus Johannis le Vavasseur ex una parte et inter nemus Guillelmi Anglici ex altera aboutantem ad terram Gilleberti le Petit ex uno buto et ad terram Ade Anglici ex altero Item unum sextarium ordei pro quinque virgis terre sitis inter terram Petri Fortin ex una parte et terram Roberti Tranellie ex altera aboutantibus ad terram Galteri de Vico Silvestri ex uno buto et ad quiminum domini regis ex altero quas videlicet terras ego Rogerus le Vavasseur tenebam de dicto Johanne de Moy milite qui me atornavit ad reddendum et solvendum dicto priori dictum redditum duobus terminis anni quibus ego dictus Rogerus le Vavasseur reddebam et solvebam dicto Johanni de Moy militi videlicet ad festum sancti Mychaelis octo solidos et sextarium ordei et ad purificationem beate Marie inde sequentem octo solidos Et nisi ego Rogerus et heredes mei predictum redditum predicto priori solverimus predictus prior et eius successores poterunt omnino super terram predictam iusticiam suam facere absque aliqua contradictione Tenendum et possidendum seu habendum de cetero et in perpetuum dicto priori et eius successoribus de me et heredibus meis bene et in pace libere et quiete et ad faciendum suam penitus voluntatem Et dictus Johannes de Moy miles tenetur dictum redditum dicto priori et eius successoribus contra omnes garantisare et ab omnibus liberare salvo iure dominico absque oppositione vel reclamatione aliqua Johannis de Moy militis vel heredum suorum in posterum faciendam In cuius rei testimonium et ut hoc robur firmiter obtineat ego prenominatus miles et ego Rogerus le Vavasseur presentem cartam dicto priori sigillorum nostrorum munimine tradidimus roboratam Datum anno domini MCC octogesimo sexto mense maii Testibus huius domino Rogo de Busco Radulpho Bouestel et Petro de Castro clerico et pluribus aliis
Source (click image below to view full size)
