Charter Document - 06157058
| Charter Number: | 06157058 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1286 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Universis presentes litteras inspecturis frater Sanson humilis prior Sancti Laudi totusque eiusdem loci conventus salutem in Domino Notum facimus quod cum dictus Johannes de Moy miles et dominus de Cresseio dederit concesserit in perpetuum et assignaverit in deductionem Solucionem et acquitacionem quinquaginta librarum parisiensium quas predictus miles debebat priori de Cresseio racione executionis Mathei de Moy defuncti fratri predicti Johannis sex libratas annui redditus videlicet primo sex decim solidos turonenses et unum sextarium ordei annui redditus quos redditus predicto domino Johanni militi debebat Rogerus le Vavasseur Item iiii minas avene annui redditus quas predicto domino Johanni debebat Jordanus de Mara annuatim Item sex decim minas et unum boessellum avene annui redditus quem redditum predicto Johanni de Moy militi debebat Guillelmus de Saana Item sex minas avene annui redditus quas debebat Gauffridus Osber Item sex solidos turon quos debebat Guillelmus Lenfant Et predicti homines tenentur omnes redditus supra dictos Matheo priori de Cresseio et suis successoribus solvere ita tamen quod predictus Matheus prior de Cresseio et successores sui predictos homines super redditus predictos contra omnes garantisare et penitus liberare tenentur In cuius rei testimonium sigilla nostra duximus apponenda Datum anno Domini millesimo CCLXXX sexto mense julii
Source (click image below to view full size)
