Charter Document - 06157030
| Charter Number: | 06157030 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1245 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Omnibus hec visuris officialis curie Rothomagensis salutem in Domino [] Noveritis quod constituta in iure coram nobis Matildis de Mesnillo Clac vidua de parrochia S Ermellandi Roth ut videtur recognovit se dedisse et omnino concessisse in puram et perpetuam elemosinam pro salute anime eius ac omnium antecessorum et successorum eiusdem Deo et ecclesie Beati Laudi Rothom ac canonicis ibidem Deo servientibus sex solidos usualis monete et quatuor capones annui redditus habendos et percipiendos singulis annis videlicet dictos sex solidos ad festum S Michaelis et dictos quatuor capones ad Nativitatem Domini libere et quiete ab omnibus in quadam pecia terre sita ut dicitur in parrochia de Bordeni inter terram dictorum canonicorum ex una parte et terram Willelmi Valentini ex altera sicuti se protendit a molendino Ric de Normare usque ad terram Laurentii de Pinel Ita quod licebit de cetero predictis canonicis ac eorum successoribus facere annuatim suam plenam iusticiam in predicta pecia terre pro dicto redditu habendo terminis antedictis Promisit insuper predicta vidua fide prestita corporali spontanee coram nobis quod contra predictum donum ratione hereditatis dotalicii vel aliqua alia ratione sibi nunc vel hactenus competenti in aliquo foro ecclesiastico seu seculari per se aut per alium non veniet in futurum In cuius rei testimonium sigillum curie nostre ad instantiam predicte Matildis presenti scripto duximus apponendum Actum anno Domini MCCXL quinto
Source (click image below to view full size)
