Charter Document - 06157015
| Charter Number: | 06157015 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Acknowledgment, Quitclaim |
| Date: | 1289 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Notum sit omnibus presentibus et futuris quod cum contentio seu controversia mota fuisset inter me Guillelmum de Cuvervilla armigerum ex una parte et viros religiosos priorem et conventum sancti Laudi Rothomagensis ex parte altera super iure patronatus ecclesie sancte Columbe in Caleto Rothom diocesis Quod ius dicebam de iure et consuetudine ad me pertinere debere dictis religiosis contrarium asserentibus et dicentibus ius patronatus predicte ecclesie ad se et suum monasterium pertinere debere litteras predecessorum meorum et alias et rationes quamplures efficacissimas precedentes per quas rationes et litteras michi et amicis meis constat evidenter ius patronatus ecclesie memorate ad eosdem religiosos et eorum monasterium pertinere debere Ego predictus Guillelmus quicquid iuris rationis et actionis habebam petebam reclamabam et que habere petere et reclamare poteram quacunque ratione quocunque titulo seu quacunque ex causa in iure patronatus ecclesie sepedicte dictis religiosis et eorum successoribus et eorum monasterio pro me et meis heredibus et aliis omnibus quibuscunque a me causam habentibus quito penitus et dimitto volo insuper et concedo quod dicti religiosi dictum ius patronatus dicte ecclesie cum duabus partibus garbarum decimalium crescentium infra metas et decimationem parrochie ecclesie antedicte ex nunc in perpetuum possideant bene libere pacifice et quiete et exinde suam omnino possint facere voluntatem absque ulla reclamatione contradictione oppositione molestatione vel impedimento mei vel heredum meorum in posterum faciendis Promitto etiam fideliter pro me et heredibus meis quos ad hoc specialiter obligo quod in predictis seu eorum aliquo nichil omnino reclamabimus nec dictos religiosos aut eorum successores super premissis seu aliquo premissorum in aliquo foro ecclesiastico vel seculari molestabimus seu inquietabimus in futurum Ad que omnia et singula predicta in posterum firmiter fideliter et inviolabiliter observanda religiosis sepedictis eorum successoribus et eorum monasterio me et heredes meos et omnia bona mea et bona meorum heredum obligo penitus et expresse Et ut hoc ratum et stabile permaneat in perpetuum ego predictus Guillelmus predictis religiosis presentes litteras tradidi et concessi sigilli mei munimine roboratas Actum mense octobris anno domini MCC octogesimo nono [] testibus hiis domino Guillelmo de Houtetot milite magistro Roberto dicto Berenger clerico Michaele de Grinvilla Iacobo de Chery Guillelmo dicto Forestar
Source (click image below to view full size)
