Charter Document - 06157013

A tous ceus qui ces lettres veront le Ballif de Caus salut Sachen tous que es assises de Cany qui furent l'an de grace mil trois cens et dis le mardi apres la nativité Notre Dame tenues par Guillaume Moustardier pour nous et en lieu de nous si comme le dit Moustardier nous a tesmoignié Furent presens frère Berthelemieu prieur de Saint Lô de Rouen et Raal Fere procureur pour le conveut d'ichel lieu d'une part et Nicole Osmont pour li et attourné sa fame d'autre et firent amende pour pès fete entre eus sus le droit d'un patronage de l'eglise de Sainte Heleue de Froberville dont les dis Nicole et sa fame portoient brief de patronage sus les dis prieur et convent et est la pès tele que le dit Nicole pour soi et comme attorné pour sa famé et pour les suers de la dite fame et pour leur maris connut et confessa que le droit de la propriété et de la possession du patronage de la dite eglise apartenoit as dis religieux et renoncha du tout en tout pour li et pour les dessus només a l'oposicion et a l'empeschcment que il avoit mis ou povoit meitre en temps avenir tant par brief comme en autre manière sanz cen que li ne sa faine ne nul des dessus només ne autres pour euz i puissent iamès nul empeechement mettre et se il li avoient ou povoient avoir en aucune maniere aucun droit eu dit patronage le dit Nicole leur quita et delessa desorendroit pour li et pour les dessus nomes Et les dis prieur et procureur pour espamier a leur domages voudrent ottroierent promistrent et convenanchierent que se monseigneur Symon Gagneu et Guillaume de Vamchy resgardoient lour resons oies que ledit prieur et convent fussent tenus a paier l'amende pour le dit Nicole et sa faine et a paier aucune chose au dit Nicole et a sa fame pour lour mises ledit prieur et procureur entendroient et empliroient et enterineroient tout cen que eus voudroient dire et ordener de la dite amende et des dites mises et se euz en estoient a descort monsieur lohan Recuchon chevalier seroit le tiers et seroit tenu le dit d'iceli auquel il s'accorderoit sans cen que nulle des dites parties em puist iamès de riens aler encontre Et pourront dire lour dit ou ils voudront en court ou dehors court coustume gardee ou non gardee Et aveuc cen mestre Guillaume Paen et Iehan Bertin pro mistrent et convenanchierent pour eut et pour lour hoirs que les dis prieur et convent feront à Richart le Roy clerc une pencion de quinze livres chascun an tant que ledit clerc soit pourveu en benefice de sainte eglise si souffizaument comme il appartient selonc son estat Et les dis prieur et procureur promistrent a delivrer en le dit mestre Guillaume et ledit Iehan a paier la moitié a Noel prochain venant et l'autre moitié a la Nativité Saint Iehan baptiste ensuiant Et auaussi d'an en an tant come il vivra tant que il soit pourveu en benefice de sainte eglise si corne dessus est dit Et promist et convenancha le dit Nicole pour li et pour ses hoirs et a cen il obliga tous ses biens moebles et immuebles que il enverra a la prochaine assise de Montiviller sa fame et ses suers sa fame et leur maris et que illeucques il quenoistront confremeront Ioeront et approuveront et aront ferme et estable pour eus et pour lour hoirs toutes les choses dessus dites sans cen que eus en puissent iamès aler encontre et oveuc cen les dessus nommés mestre Guillaume Paen et Iehan Bertin promistrent et convenanchierent que les dis religieux aroient ferme et estable le dit des dessus nommés tant des mises comme de l'amende et a paier du leur se les dis religieus en aloient de riens encontre Et s'obligierenta estre en iustisiés par la iustise le Roy tant que les choses dessus dites soient enterignies En tesmoing de cen nous avon ces lettres scelées du seel de la baillie de Caus Donné comme dessus