Charter Document - 06156030

Universis Christi fidelibus [] abbas sancte Genovese [] salutem in domino Noverit universitas vestra quod cum controversia verteretur inter priorem et canonicos Sancti Laudi rothomagensis ex una parte et Robertum de Bourdeni militem ex altera super aqua pertinente ad manerium eorumdem prioris et canonicorum apud Bordeni tandem bonorum virorum medicante consilio controversia illa coram nobis sopita est in hunc modum quod dictus Robertus quittavit eis in perpetuum pro se et pro suis heredibus aquam illam a masagio Hugonis Picart usque ad aquam molendini Ricardi de Normara siti prope Carevillam ita quod ipse per se neque per alium in dicta aqua nec in edifficiis in ea constructis vel construendis nichil de cetero reclamabit sed neque piscari poterit in ea per se neque per homines suos neque per alios aliquos sed licebit priori et canonicis de cetero facere totam voluntatem suam integre de eadem aqua sicut de sua propria et edifficare in ea molendina et alia edifficia prout voluerint sine ejusdem Roberti vel heredum suorum reclamatione aliqua et insuper juravit dictus Robertus super sacrosancta prestito corporaliter sacramento pro se et pro heredibus suis quod eos super aqua predicta neque super edifficiis in ea constructis vel construendis de cetero non vexabit nec molestabit In cujus rei testimonium ad instantiam utriusque partis presentibus litteris sigilla nostra cum sigillo ipsius Roberti digna duximus apponenda reservata tamen nobis iuridictione animadvertendi in ipsum vel in heredes eius si ipsi contra hanc pacem et concordiam aliquo tempore attemptaverint venire Actum anno gratie millesimo ducentesimo vigesimo tertio mense februarii