Charter Document - 06156015
| Charter Number: | 06156015 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1233 |
| Date type: | Internal, A.D., Feast |
| Resource Link(s): |
SCRIPTA - Base des actes normands médiévaux |
Charter:
Omnibus Christi fidelibus ad quos presens scriptum pervenerit Guillelmus dictus Monachus Robertus de Escrutevilla Radulfus de Mesnillo Iohannes de Fiscanno et Robertus de Yspania canonici Sancti Laudi Rothomagensis salutem in Domino Super controversia que vertebatur coram de Ouvilla et de Basquevilla prioribus auctoritate apostolica inter priorem et conventum sancti Laudi Rothomagensis ex una parte et Gocelinum de Sancta Columba militem et Guillelmum de Cuthbertivilla ex altera super iure patronatus ecclesie de Sancta Columba in Caleto super quo a iam dictis partibus prout in litteris utriusque partis sigillo sigillatis continetur in nos extitit compromissum instrumentis igitur partium diligenter inspectis veritate negocii diligenter inquisita die ad terminandum arbitrium partibus assignata partibus presentibus habito prudentium virorum consilio arbitrium nostrum terminavimus et dictum arbitrium nostrum protulimus in hunc modum videlicet quod ius patronatus iam dicte ecclesie de Sancta Columba in Caleto de iure pertinet ad iam dictos priorem et conventum Sancti Laudi Et quod antecessores dictorum Gocelini et Guillelmi de Cubertivilla taliter fecerunt quod illi nec heredes eorum in presentatione supradicte ecclesie nichil iuris habent unde super his Gocelino et Guillelmo perpetuum silentium imposuimus dictos priorem et conventum ab impetitione eorum super his absolventes Et quia sigilla autentica non habebamus sigilla venerabilium et religiosorum virorum domini Nicolai prioris Sancti Audoeni Rothomagensis et domini Iohannis prioris beate Marie Magdalene qui presentes erant in proclamatione dicti arbitrii presenti scripto procuravimus apponi Interfuerunt et cum dictis partibus quando prolatum fuit arbitrium Michael de Sancto Amando Lucas de Sancto Martino Magister Balduinus Laurentius de Fovilla Nicolaus de Sancto Stephano et Iohannes de Casteneto presbiteri Magister Laurentius de Vernone Magister Guillelmus de Sancto Audoeno Magister Robertus de Sancto Laudo Magister Radulph de ultra Secanam magister Philippus et magister Guillelmus socius eius Et magister Guillelmus Bodin iuris periti Et Robertus de Sancto Audoeno Petrus de Sancto Iacobo et Reginaldus Britonotarius et multi alii Datum apud Sanctum Laudum videlicet in grandi aula anno Domini MCCXXXIII mense septembris tertia die ante festum beati Michaelis
Source (click image below to view full size)
