Charter Document - 06156013

Au reverend pere en dieu Benard par la divine permission archevesque de Rouen ou a ses vicaires Guill du Bos bailli de Caus salut Comme debat fust par devant nous entre religieux hommes le prieur et le couvent de saint Lô de Rouen d'une part et noble homme messire Iehan de Beuzeville chevalier d'autre sus le droit de patronage de l'eglise sainte Elayne de Froberville Savoir vous faisons que es assises de Cany qui furent l'an de grace mil ccc et dis le mardi après la saint Andrieu le dit chevalier fut mis en amende vers les dis prieur et couvent par laquele amende eus ont ataint que il sen vont caus iour vers le dit chevalier dun brief que il portoit vers eus du patronage de la dite église et quietes du dit brief Pourquoi nous vous senefions de par le roy que vous recevez et metes en possession de la dite eglise Richard de saint fey clerc de par le dit prieur et couvent presents a la dite eglise tant faisons sus ce comme avons aprient a faire en tel cas donne es dites assises sous le scel de la baillie de caus lan et le jour dessus dis