Charter Document - 06155015

Omnibus Christi fidelibus ad quos presens scriptum pervenerit Iohannes prior Sancti Laudi Rothomagensis totusque eiusdem loci conventus et Gocelinus de Sancta Columba miles et Guillelmus de Cuvervilla salutem in Domino Cum causa verteretur inter nos priorem et conventum Sancti Laudi ex una parte et nos Gocelinum et Guillelmum ex altera super iure patronatus ecclesie Sancte Columbe in Caleto ex altera coram venerabili patre mauricio Roth archiepiscopo tanquam coram iudice ordinario quod ius patronatus nos dicti prior et canonici dicebamus ad nos de iure pertinere per quedam instrumenta a bone memorie Rotrodo quondam Roth archiepiscopo super hoc ad instanciam domini Ermengardis de Cuvervilla et filiorum suorum et resignationem omnis iuris quod habebant et habere potebant in ipso patronatu in manu dicti Rotrodi archiepiscopi eis confecta et a decano et capitulo Rothom eis confirmata dictis vero Gocelino et Guillelmo asserentibus e contra per quadam instrumenta capituli Sancti Laudi domus ius ad se pertinere ita videlicet quod illi vel heredes eorum debebant presentare priori quemcunque vellent clericum dummodo idoneum et prior tenebatur eum presentare archiepiscopo et tamdiu inter nos coram iam dicto Mauricio archiepiscopo fuisset super eisdem instrumentis litigatum quod idem archiepiscopus omnibus rite peractis per diffinitivam sententiam nobis priori et canonicis adiudicavit dictum ius patronatus iam dicte ecclesie a qua sententia dicti Gocelinus et Guillelmus appellaverunt et ad priores de Houvilla et de Basquevilla litteras apostolicas impetraverunt coram quibus cum aliquandiu inter nos fuisset litigatum tandem pro bono pacis nos dicti prior et conventus ex una parte et nos dicti Gocelinus et Guillelmus ex altera in quinque canonicos Sancti Laudi videlicet Guillelmum dictum Monachum Robertum de Escrutevilla Radulfum de Mesnillo Iohannem de Fiscanno et Robertum de Yspania compromisimus Ita quod hii quinque bona fide instrumentis utriusque partis diligenter inspectis et veritate diligenter inquisita utrum antecessores dictorum Gocelini et Guillelmi tantum fecissent vel per instrumenta vel alio modo quod illi nec heredes eorum in presentatione dicte ecclesie nichil iuris habeant et agnita veritate tenentur infra hoc festum Sancti Michaelis in Monte Gargano proxime venturo pronunciare arbitrium suum Ita quod si aliquis eorum infra hoc infirmari contigitur ita quod non possit commode cum aliis interesse tenetur dicere eis consilium suum et illi pronunciabunt Et si aliquis illorum infra hoc mori contigerit quod absit reliqui quotquot erunt pronunciabunt et reddent parti habenti ius in re ius suum fideliter Et nos tenemur eorum observare arbitrium sub pena centum librarum turonensium a parte resiliente parti non resilient solvendarum et super hoc ad cautelam hoc partitum inter nos fecimus cyrographum sigillis nostris alternatim confirmatum Datum anno domini MCCXXXIII ultima die mensis iulii