Charter Document - 06155013
| Charter Number: | 06155013 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1282 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Noverint universi presentes et futuri quod ego Guillelmus de Bosco de parrochia de Frobervill tunc temporis vendidi et omnino concessi religiosis viris priori et conventui sancti Laudi Rothomagensis pro sex libris turonensibus de quibus teneo me pro pagato renuncians exceptioni pecunie non numerate nec solute duodecim solidos currentis monete annui redditus sitos super totali tenemento quod habebam in parrochia predicta in feodo dictorum religiosorum percipiendos et habendos duobus terminis annui videlicet sex solidos ad festum sancti Michaelis in Monte Gargano et alios ad Pascha tenendos et habendos iure hereditario ac etiam possidendos dictis religiosis et eorum successoribus de me et heredibus meis bene pacilice et quiete et ad faciendam de dicto redditu omnem suam penitus voluntatem et actum et conventum inter me et dictos religiosos quod ipsi poterunt facere ac etiam exercere suam iustitiam in dicto totali tenemento pro dicto reditu habendo terminis prenotatis ac etiam pro emendis nisi dictus reditus terminis ante dictis integre fuerit persolutus et ego predictus Gilbertus et heredes mei quoad hoc obligo quod dictis religiosis et eorum successoribus dictum redditum tenemus garantisare ab omnibus impedimentis et obligationibus quibuscunque penitus liberare ac etiam acquitare erga omnes insuper omnia bona mea mobilia et immobilia dictis religiosis et eorum successoribus obligando Quod autem istud sit firmum et stabile permaneat in posterum presentes litteras prefatis religiosis sigilli mei munimine tradidi roboratas Actum anno domini MCC octogesimo secundo mense aprilis testibus his Guillelmo dicto Lenfant Guilberto dicto Parin Guillelmo de Hediers Radulpho Senande et fratre Guillelmo de vallibus baillivo tunc dicti loci cum pluribus aliis
Source (click image below to view full size)
