Charter Document - 06154042
| Charter Number: | 06154042 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Release |
| Date: | 1285 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Universis presentes litteras inspecturis Robertus de Esneval miles salutem in Domino Notum facimus quod nos super omni pecunie summa et super omni blado in quibus religiosi viri prior et conventus Sancti Laudi Rothomagensis nobis fuerunt obligati necnon et priori et conventui de Monte leprosorum prope Rothomagum ratione firme nostre de Mesnillo Enardi et de Blovill et de parrochiis de Mesnillo enardi et de Blovilla eisdem religiosis a nobis tradite usque ad finem sex annorum preteritorum novissime per certas conventiones inter nos et dictos religiosos habitas in contractu traditionis predicte nobis aut mandato nostro et dictis priori et conventui de Monte leprosorum extitit plenarie et integre satisfactum et quod dicti prior et conventus Sancti Laudi Rothomagensis nobis omnes et singulas pactiones conventiones obligationes habitas et initas inter nos et dictos religiosos in contractu predicto tam in cultura terrarum sustentatione domorum murorum et edificiorum quam modis aliis omnibus quibuscunque fideliter competenter et integre sine defectu aliquo impleverunt et fecerunt super quibus omnibus et singulis et super omnibus contingentibus contractum predictum tenemus nos pro contentis et pro nobis et nostris heredibus et omnibus a nobis causam habentibus et in posterum habituris predictos priorem et conventum Sancti Laudi Rothomagensis quitamus spontanee penitus totaliter et expresse In cuius rei testimonium dictis religiosis presentes litteras dedimus et concessimus sigilli nostri munimine roboratas Actum et datum mense aprilis anno Domini MCC octogesimo quinto Testibus hiis []
Source (click image below to view full size)
