Charter Document - 06154013
| Charter Number: | 06154013 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Acknowledgment, Promise |
| Date: | 1270 |
| Date type: | Internal, A.D., Lunar |
| Resource Link(s): |
SCRIPTA - Base des actes normands médiévaux |
Charter:
Omnibus hec visuris officialis Roth salutem in domino Noveritis quod in nostra presentia constitutus Guillelmus dictus de Fiscano dictus Carpentarius presbiter rector ecclesie Sancte Helene de Frobervill tunc temporis ut dicebat recognovit quoddam manerium situm in parrochia ecclesie memorate ante maram communem dicte ville de Frobervilla iuxta manerium heredum Galterii Hochart sicuti se perportat dictum manerium in longum et in latum tam in porta granchia curie domibus clausuris et aliis quibuscumque edificiis ibi factis ad religiosos viros priorem et conventum sancti Laudi Rothomagensis et eorum monasterium predictum tam iure proprietatis quam possessionis pertinere et debere pertinere Recognovit etiam idem presbiter coram nobis quod ipse hoc anno presenti contra voluntatem dictorum religiosorum auctoritate propria minus iuste intravit possessionem manerii prevocati et quod in quadam domo dicti manerii sic intratus per quinque dies vel contra voluntatem dictorum religiosorum moram tenuit et quod ipso exeunte dictum manerium cum non pateret sibi aditus redeundi ad dictum manerium sicuti nec debebat patere alta voce clamavit harou et pluries ad cuius clamorem venit serviens loci predicti domini regis et ad eius instanciam domum que est supra portam dicti manerii cum quibusdam domibus eisdem adiacentibus per dictum servientem in manum domini regis capi fecit et etiam arrestare minus iuste quamvis ius non haberet in premissis necnon et dictos religiosos aiornare fecit ad assisias domini regis responsuros et processuros super his que intendebat petere a dictis religiosis ratione manerii predicti qua premissa omnia et singula idem rector promisit coram nobis se emendaturum dictis religiosis ad voluntatem dictum vel ordinationem prioris dicti loci et se dictos religiosos super aiornatione predicta et super omnibus et singulis que ex dicta aiornatione sequi possent quoquomodo omnimodo deliberaturum et indemnes penitus servaturum erga quoscumque Promisit idem rector quod ipse in dicto manerio vel aliqua parte ipsius ratione proprietatis et possessionis nichil de cetero per se vel per alium aliquatenus reclamabit nec eos super predicto manerio aut aliis premissis vel aliqua premissorum ratione quacumque per se vel per alium aliquatenus molestabit seu etiam perturbabit promisit etiam coram nobis quod ipse publice profitebitur et publicabit in ecclesia predicta de frobervill coram parrochianis dicte ecclesie et alibi ubicumque et quocumque dicti religiosi sibi viderint expedire quod dictum manerium tempore intrationis predicte spectabat et spectat ad dictos religiosos et eorum monasterium tam iure proprietatis quam possessionis Hec autem omnia predicta et singula prout superius sunt expressa pro misit idem rector coram nobis iuramento ab ipso prestito corporali spontanea voluntate sua se dictis religiosis et eorum successoribus observaturum firmiter et impleturum firmiter fideliter et inviolabiliter et se contra in aliquo non venturum In cuius rei testimonium presenti scripto sigillum curie nostre ad instantiam partium duximus apponendum Datum anno domini MCCLXX die lune post Magdalenam
Source (click image below to view full size)
