Charter Document - 06153058
| Charter Number: | 06153058 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1239 |
| Date type: | Internal, A.D., Feast |
| Resource Link(s): |
SCRIPTA - Base des actes normands médiévaux |
Charter:
Omnibus Christi fidelibus ad quos presens scriptum pervenerit officialis Rothomag salutem in Domino Noveritis quod constitutus in jure coram nobis Guillelmus dictus Moradas quondam nepos Roberti dicti Crassi defuncti de parrochia beate Marie de Cressi recognovit se ratum habere et gratum donum illud quod dictus Robertus dictus Crassus fecerat viris religiosis priori et canonicis sancti Laudi Rothom videlicet de omnibus hiis que habebat et habere poterat in parrochia beate Marie de Creissi tam in terris masagiis redditibus quam aliis rebus ad ipsum spectantibus tam ad villam quam ad campos juramento corporali prestito promittens spontanea voluntate coram nobis quod in omnibus supradictis ratione hereditatis particionis elemosine vel aliqua alia ratione sibi modo competenti per se vel per alium nichil de cetero reclamabit nec etiam dictos priorem et canonicos et eorum successores super premissis in aliquo foro ecclesiastico vel seculari per se vel per alium aliquatenus molestabit In cuius rei testimonium sigillum curie Rothom ad instanciam partium presenti scripto duximus apponendum Actum anno Domini millesimo CC tricesimo nono mense julio die martis post festum apostolorum Petri et Pauli
Source (click image below to view full size)
