Charter Document - 06153017
| Charter Number: | 06153017 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 |
| Date type: | Internal, A.D., Calendar |
| Resource Link(s): |
SCRIPTA - Base des actes normands médiévaux |
Charter:
Rotroldus dei gratia Roth archiepiscopus omnibus ad quos presens pervenerit scriptum salutem Bone frugis officium est providere ne rationabiliter aucta tractu temporis exolescant aut ipsorum memoria querat in posterum aboleri Eapropter quedam beneficia canonicis Sancti Laudi de Rothomago viris religiosis et laudande conversationis in perpetuam elemosinam collata redegimus in scripturam ut ipsorum perpetuetur memoria beneficio litterarum Itaque noveant universi presentem cartam inspecturi predictos viros religiosos hec beneficia quorum appellationes subscribuntur canonice et rationabiliter nobis donantibus et concedentibus adeptos fuisse Roberto de Calletot quidquid juris habebat aut quacumque ratione sibi vindicabat in ecclesia sancte Marie de Raphetot in nostram manum resignante pariterque decimas de feodo lorice sue que ad capellam suam dicebantur pertinere cum ipsa capella eadem integre predictis viris religiosis donavimus continenter et unam acram terre in qua predicta ecclesia fundata esse dicebatur quam Robertus de Hispania et Guillelmus de Bosco moret qui erant heredes Heberti de Sancta Scolastica et quidquid juris in prenominata ecclesia sibi vendicabant benigne et liberaliter resignantes in nostram reddiderant manum et ne post modum quibuscumque malignantium calumniis predictorum beneficiorum possessio turbaretur eadem iam nominatis canonicis presenti pagina curavimus confirmare quam ut perpetuam inconcussamque teneat firmitatem nostri sigilli patrocinio salvo jure episcopali congruum duximus roborare sub anathemate perhibentes ne quis eos super his inquietare presumat Datum est anno ab incarnatione domini millesimo centesimo septuagesimo septimo nonis junii Testibus Roberto decano Richardo precentore Radulpho archidiacono Ivone archidiacono Amico archidiacono Renaldo archidiacono Waltero archidiacono Magistro Rogero Roberto capellano Magistro Thoma Helia canonico
Source (click image below to view full size)
