Charter Document - 06153015
| Charter Number: | 06153015 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1231 |
| Date type: | Internal, A.D. |
| Resource Link(s): |
SCRIPTA - Base des actes normands médiévaux |
Charter:
Omnibus Christi fidelibus ad quos presens scriptum pervenerit Mauricius episcopus divina miseratione Roth electus licet indignus salutem in Domino Noverit discretio vestra quod cum causa verteretur coram nobis inter priorem et conventum Sancti Laudi Rothomagensis ex una parte et Gocelinum de Sancta Columba militem et Guillelmum de Cubertivilla ex altera super iure patronatus ecclesie de Sancta Columba in Caleto instrumentis utriusque partis in iure exibitis diligenter auditis et intellectis et omnibus rite peractis cum nobis constaret per instrumenta prioris et canonicorum a bone memorie Rotrodo Roth archiepiscopo super iure patronatus eiusdem ecclesie eisdem canonicis collata quod Emengardis de Sancta Columba et filii sui Willelmus Henricus et Remigius et Gocelinus de Sancta Columba cum filiis suis Ricardo Will quicquid iuris habebant aut quacunque ratione sibi vendicabant in dicta ecclesia Sancte Columbe totum in manum dicti Rotrodi Roth archiepiscopi resignasset qui divine pietatis intuitu predictam ecclesiam cum omnibus pertinentiis suis prefatis priori et canonicis Sancti Laudi Rothomagensis salvo iure episcopali et parochiali in liberam et perpetuam donasset elemosinam quam donationem etiam capitulum Roth confirmasset nos de consilio bonorum virorum dictis priori et canonicis Sancti Laudi Roth ius patronatus prefate ecclesie adiudicavimus predictis Gocelino de Sancta Columba militi et Guillelmo de Cuvervilla super presentationem prefate ecclesie perpetuum silentium imponentes et ut hec nostra sententia rata et firma permaneat illam sigilli nostri appositione duximus confirmandam Datum anno Domini MCCXXXI mense septembris
Source (click image below to view full size)
