Charter Document - 06152043
| Charter Number: | 06152043 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1231 |
| Date type: | Internal, A.D., Feast |
| Resource Link(s): |
SCRIPTA - Base des actes normands médiévaux |
Charter:
Omnibus Christi fidelibus ad quos littere iste pervenerint Theobaldus decanus et capitulum Rothomagi salutem in Domino Noverit universitas vestra quod magister Johannes de Martinvilla presbiter ecclesie de Frobertivilla in nostra curia constitutus tempore magistri Alani Britonis canonici et officialis Rothom sede vacante archiepiscopali dedit in puram et perpetuam elemosinam Deo et ecclesie S Laudi Rothom et priori et canonicis ibidem Domino Deo deservientibus quamdam masuram terre quam ipse emerat ab Adam filio quondam Guntoldis de Castenai cum pertinenciis eiusdem masure sitam apud Castenai Videlicet illam masuram in qua grangia eorumdem prioris et canonicorum sita est In cuius rei testimonium ad instanciam eiusdem magistri Iohannis hiis presentibus litteris sigillum curie Rothomagensis duximus apponendum Datum anno Domini MCCXXX uno die jovis prima post festum sancte Trinitatis valete
Source (click image below to view full size)
