Charter Document - 06151043
| Charter Number: | 06151043 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Concession, Confirmation |
| Date: | 1165 - 1184 |
| Date type: | Assigned |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 26 H 112/2 |
Charter:
Rotrodus Roth archiep presentibus et futuris Quoniam res humane in magna variabilis motus incertitudine volvuntur et transeunt ne pro vite brevitate et temporum lapsu universa deleret oblivio urgente necessitate summa cautela provisum est ut ea que memoriter teneri oportet litteris annotentur Inde est quod dilectorum filiorum nostrorum Roberti prioris et canonicorum S Laudi Rothomagensis desiderio et petitioni benignum prebentes favorem quod coram nobis factum est scripti nostri omnibus notum esse volumus attestatione Reinaldus siquidem de Castineio ad quem spectabat ius patronatus et presentationis et quadam pars decimarum ecclesie predicte ville gravi laborans egritudine nos humiliter et devote fecit requiri ut quidquid iuris et decimarum habebat in predicta ecclesia concederemus canonicis S Laudi et eamdem per nuntios quos ad eum misimus nobis cum omni libertate reddidit assensu uxoris et filii sui Nos autem pietatis intuitu et prioris et canonicorum dilectione et ipsius Reinaldi precum instantia predictam ecclesiam canonicis in perpetuam elemosinam donavimus cum omni possessione et jure quod ibi habuerat aut habere poterat Huic etiam donationi assensum prebente Waltero de Casteneio consanguineo eius canonico nostro qui ecclesiam illam eodem possidebat tempore sub patronatu Reinaldi et eius petitione sibi prius donatam a predecessore nostro pie recordationis Hugone Vt ergo prefatam ecclesiam cum decimis et aliis pertinentiis suis sine omni contradictione possideant quiete et libere salvo iure episcopali presenti scripto et sigilli nostri munimine confirmamus auctoritate officii nostri prohibentes ne quis eos super eadem ecclesia inquietare aut perturbare presumat Quod qui facere presumpserit indignationem Dei omnipotentis et gloriose Virginis matris Domini et beatorum apostolorum Petri et Pauli et S Laudi cum omnibus sanctis se noverit incursurum Omnibus autem prefate ecclesie canonicorum bona conferentibus sit pax et eterna ab omnipotenti Domino retributio Hujus autem donationis et confirmationis testes extiterunt G decanus Rob Ebroicensis decanus magister Reinaldus archid Ivo archid Amicus archid Galterus de Castro cum omni capitulo Sancte Marie
Source (click image below to view full size)
