Charter Document - 06151015
| Charter Number: | 06151015 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation, Grant |
| Date: | 1165 - 1184 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Rotrodus Dei gratia Rothomagensis archiepiscopus omnibus ad quos presentes littere pervenerint salutem in Domino Nostre vocationis exigit officium beneficia ecclesiis et viris religiosis collata ne a posterorum decidant memoria in scripturam redigere et ne aliquorum malignantium pravitate subtrahi possint vel minui protegere et tueri Notum esse volumus presentibus et futuris quod Ermengardis de Cubertivilla et filii sui Guillelmus Henricus et Remigius et Gocelinus de Sancta Columba cum filiis suis Richardo et Guillelmo quicquid iuris habebant aut quacumque ratione sibi vendicabant in ecclesia Sancte Columbe totum in manum nostram libere resignaverunt Nos a divine pietatis intuitu predictam ecclesiam cum omnibus pertinenciis suis dilectis filiis nostris Roberto priori et canonicis Sancti Laudi Rothomagensis salvo iure episcopali et parrochiali in liberam et perpetuam donavimus elemosinam Statuimus et pro bono pacis ut ad recognitionem huius donationis presbiter qui in eadem ecclesia ministraverit decem solidos usualis monete iam dictis canonicis annuatim de presbiterio reddat Quorum omnium ius et possessio ut sibi rata et inconcussa in perpetuum permaneant presenti scripto et sigilli nostri munimine dignum duximus roborare Testibus de Novo burgo Roth decano Ivone Amico Rainaldo Waltero de Sancto Valerio Roth archidiacono Roberto capellano Magistro Herberto Rogero de Varvich Roth canonicis
Source (click image below to view full size)
