Charter Document - 06150090
| Charter Number: | 06150090 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Acknowledgment, Grant |
| Date: | 1286 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Noverint universi presentes litteras inspecturi quod ego Thomas dictus Foillole accepi in perpetuum feodum et hereditagium a religiosis viris priore et conventu Sancti Laudi Rothom quandam peciam terre continentem tres acras unam virgatam et dimidiam virgatam et decem pertiquas terre sitam in parrochia de Monsterelio juxta terram Jordani Bacheler ex una parte et terram Nicholai Bare ex altera sicut in longum se proportat a quemino de Heroisart ab uno bouto usque ad terram Guillelmi dicti le Coq ab alio tenendam et habendam et in perpetuum hereditagium possidendam michi et meis heredibus de dictis religiosis et eorum successoribus bene et in pace ad faciendam ex inde salvo jure dominico omnem meam penitus voluntatem reddendo ex inde eisdem religiosis et eorum successoribus de me et meis heredibus octo minas et dimidiam minam avene annui et perpetui redditus ad mensuram de Archis videlicet quam libet summam valentem quatuor denarios minus solum modo quam melior avena de mercato de Archis in hunc modum videlicet medietatem ad Nativitatem Domini et aliam medietatem ad festum omnium Sanctorum in perpetuum annuatim quam peciam terre predicti religiosi et eorum successores michi et meis heredibus per predictum redditum garantisare tenentur Licebit etiam de cetero predictis religiosis et eorum successoribus in dicta pecia terre suam justiciam plenariam facere et exercere pro suo redditu et pro sua emenda habendis et levandis a me et meis heredibus quandocumque et quocienscumque dictus redditus suus non fuerit integre persolutus ad predictos terminos et ad quem libet eorumdem Et ut hoc ratum et stabile permaneat in perpetuum ego predictus Thomas predictis religiosis hanc cartam concessi dedi et tradidi sigilli mei munimine roboratam Actum mense novembris Testibus hujus Ricardo dicto Nugues Johanne Raoulee Hugone de Capite ville et aliis
Source (click image below to view full size)
