Charter Document - 06150062

In primis omnes constitutiones vel observationes si que Deo vel regule divi Augustini sint contraria penitus reprobamus statuentes ne de cetero observentur Regulam divi Augustini ab omnibus decrevimus custodiri cantando vel psallendo unus alium non perveniat in ordinate vel sequatur simul faciant pausam et alter chorus versum suum incipiat donec chori alterius versus fuerit terminatus In choro non habeant oculos vagos vel sublimes nec ibi faciant signa superflua legentes vel cantantes non nisi ab illis quibus iniunctum fuerit deprehendantur Horis canonicis et precipue missis regularibus in choro omnes intersint exceptis infirmis et qui citra necessitatem fuerint occupati justam Nulli otio vel fabulis vacent vel per claustrum discurrant vel per officinas Pigri et negligentes ex consuetudine in divino officio graviter puniantur In cenobio in domitorio in refectorio semper silentium observetur et in claustro nisi horis statutis de quo exceptis officialibus nullus sine facultati egrediatur A colloquiis claustri minutionem infirmariarum rumores et contentiones sive derisiones precidantur Audiens talia dicentem proclamare tenetur Ostia claustri diligenter custodiantur Quod si ostiarius negligens fuerit ad arbitrium presidentis puniatur Scrinula vel scriptorias nullus habeat in claustro vel alibi sine licentia prelati In capitulo non loquantur nisi tres videlicet presidens accusans et accusatus In capitulo non fiat mentio de cibo et potu donec spiritualia fuerint pertractata Nullus alium ibidem deffendat nec aliter deferatur contra Deum sed servata in omnibus equitate sine acceptione personarum secundum modum culpe extendatur mensura discipline si autem aliquis preter dictos tres in capitulo dum spiritualia pertractantur loqui presumpserit non requisitus a prelato regulariter puniatur Nullus ad fenestram per quam cernitur conventus accedat preter refectorarium et servitores coquine In refectorio nullus aliquam singularitatem faciat nec elemosinas minuat vel defraudet nec signum faciat ex opposito Nulli canonico liceat alicubi comedere extra refectorium nisi de licentia prelati Calceamenta stricta nullus habeat sed lata sicut decet religiosos Vestes habeant uniformes Si aliquis contra fecerit tale indumentum ab eo aufertur et regulari subjaceat discipline sicut de calceamento Nullus vestes suas vendere audeat vel donare nec novas recipiat nisi veteribus restitutis Hospites tam regulares quam seculares charitative recipiantur Nullus recipiat depositum in custodia sine abbate et priore vel prior sine testimonio aliorum Singulis mensibus computent coram abbati vel priore et aliis quatuor discretioribus de omnibus receptis et expensis et summa compoti redigetur in scriptis Quotiens vero quis ab administratione fuerit amotus super administratione sua reddat infra triduum rationem et de uno prioratu vel quacumque obedientia translatus ad aliam nihil secum de rebus prioris obedientie deferre presumat nisi de licentia presidentis Si quis in obedientia sibi commissa fuerit diffamatus propter infamiam devitandam ad claustrum revocetur et si veraciter reus infamie sue poterit deprehendi regulari subiaceat discipline Nullus infra vigesimum annuum existens in canonicum de cetero recipiatur Quotiens vero aliqui canonici egrediuntur per licentiam prelati terminus assignetur eisdem infra quem reverti debeant Quod si terminum concessum transgressi fuerint de inobedientia prout prelato visum fuerit puniantur Canonici nisi graves sint et maturi non ducant mulieres per claustrum refectorium domitorium vel par aliqua loca suspecta Secreta ostiola et aditus occulti et suspecti vitentur sive in abbatiis sive in prioratibus vel quibuscumque locis ubi religiosi habitant et ne occasio detur diabolo ostiola hujusmodi suspecta infra annum obstruantur Nunquam refectorium relinquatur solum hora prandii vel cene Canonici in obedientia commorantes simul comedant et in eodem dormitorio dormiant Ecclesie jura ordinis statuta capituli secreta fideliter observentur Actum et statutum fuit de voluntate Prioris presentis et omnium aliorum fratrum presentium in compoto et capitulo generali divi Laudi Rothomagensis anno Domini millesimo ducentesimo septuagesimo sexto die Martis decima quarta mensis aprilis in quo nullus defuit