Charter Document - 06150058

Sciant omnes presentes et futuri quod ego Jordanus de Mara recognosco me teneri Matheo priori de Cressyaco executori testamenti seu ultime voluntatis Mathei de Moy militis defuncti in quatuor minis avene annui redditus pretio melioris avene totius patrie duobus denariis minus quem redditum ego Jordanus de Mara debebam et solvebam Johanni de Moy militi fratri dicti defuncti pro duabus acris terre sitis inter terram Roberti le Prieur ex una parte et terram Rogeri de Bourval ex altera abutantibus ad terram Ysabelis de Sancto Medardo ex uno buto et ad viam de Bosco Rohardi ex altera Quam videlicet terram ego dictus Jordanus tenebam de dicto Johanne de Moy milite qui me atornavit ad reddendum et solvendum dicto priori dictum redditum duobus terminis anni quibus ego dictus Jordanus reddebam et solvebam domino Johanni de Moy militi videlicet ad festum Sancti Michaelis duas minas et ad festum omnium sanctorum inde sequens alias duas minas Et nisi ego Jordanus et heredes mei predictum redditum dicto solverimus predictus prior et eius successores poterunt omnino super terram predictam justiciam suam facere absque aliqua contradictione Tenendum et possidendum seu habendum de cetero et in perpetuum dicto priori et eius successoribus de me et heredibus meis bene et in pace libere et quiete et ad faciendum suam penitus voluntatem Et dictus Johannes de Moy miles tenetur dictum redditum dicto priori et eius successoribus contra omnes garantisare et ab omnibus impedimentis liberare salvo iure dominico absque oppositione vel reclamatione aliqua Johannis de Moy militis vel heredum suorum in posterum faciendis In cuius rei testimonium et ut hoc robur firmiter obtineat ego prenominatus miles et ego Jordanus de Mara presentem cartam dicto priori sigillorum nostrorum munimine tradidimus roboratam Datum anno domini MCC octogesimo sexto mense maii Testibus hiis domino Rogero de Busco Petro de Castro clerico Radulfo Bouestel et pluribus aliis