Charter Document - 06150057

Ma mye je me recommande bien fort à vous Le commencement de ma lettre c'est qu'il me semble que défaillez à la promesse que m'aviez faicte de faire savoir de vos nouvelles c'est ce que n'avez faict car mons de Longueil et mons de Sainct Juste sont venus du pays sans avoir eu lettre de vous ne d'aucuns de nos amys et croy que on me veult mestre avec les peschés oubliés Je ne veult user de represailles mais suivant ce que me priastes au partir je vous fais savoir que suys en ceste court logé comme Dieu fust en ayse de boyre et manger et coucher mollement toute foys je prends patience si on se contente de mon service que je fais de bon cueur [] Vostre mary et amy