Charter Document - 06150044
| Charter Number: | 06150044 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Papal |
| Charter Type(s): | Confirmation |
| Date: | 1224 |
| Date type: | Internal, A.D., Calendar |
| Resource Link(s): |
SCRIPTA - Base des actes normands médiévaux |
Charter:
Honorius episcopus servus servorum Dei dilectis filiis priori et conventui S Laudi Rothomagensis salutem et apostolicam benedictionem Cum a nobis petitur quod justum est et honestum tam equitatis vigor quam ordo exigit rationis ut id per sollicitudinem officii nostri ad debitum perducatur effectum Eapropter dilecti in Domino filii vestris justis postulationibus grato concurrentes assensu personas vestras et locum in quo divino estis obsequio mancipati cum omnibus bonis que in presentiarum domus vestra possidet aut in futurum justis modis prestante Domino poterit adipisci sub beati Petri et nostra protectione suscipimus Specialiter ecclesias S Marie de Casteneio et S Martini de Crikebuef cum omnibus pertinentiis earumdem sicut eas juste canonice ac pacifice possidetis vobis et per vos monasterio vestro auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre protectionis et confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum eum se noverit incursurum Datum Lateran ii Kal Junii pontificatus nostri anno octavo
Source (click image below to view full size)
