Charter Document - 06150038
| Charter Number: | 06150038 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1206 |
| Date type: | Internal, A.D., Calendar |
| Resource Link(s): |
SCRIPTA - Base des actes normands médiévaux |
Charter:
Omnibus Christi fidelibus ad quos presens scriptum pervenerit Walterus Dei gratia Roth archiepiscopus salutem in Domino Ad universitatis vestre notitiam volumus pervenire nos divine pietatis intuitu pro salute anime nostre ad anniversarium nostrum faciendum dedisse et concessise dilectis filiis nostris Ade priori et conventui S Laudi Roth ecclesiam S Martini de Cricquebeuf cum omnibus pertinentiis suis in puram et perpetuam elemosinam perpetuo possidendam et in proprios usus eorum convertendam salvo iure pontificali et salva honesta vicaria ad presentationem eorum conferenda Ut autem hec nostra donatio futuris temporibus perpetuam et inconcussam obtineat firmitatem eam presenti scripto et sigilli nostri munimine dignum duximus roborare Testibus Radulfo filio Guerouldi tunc officiali nostro Drogone de Truble milite Guillelmo de S Paulo canonico Roth Magistro Simone medico Laurentio de Constantiis Radulfo de S Macuto clericis nostris et pluribus aliis Datum apud Devillam per manum magistri Joannis Britonis anno Domini MCC sexto xvi Kal Aprilis cum sigillo in cauda sericea varii coloris
Source (click image below to view full size)
