Charter Document - 06150034
| Charter Number: | 06150034 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation, Grant |
| Date: | 1202 |
| Date type: | Internal, A.D., Calendar |
| Resource Link(s): |
SCRIPTA - Base des actes normands médiévaux |
Charter:
Omnibus Christi fidelibus ad quos presens scriptum pervenerit Walterus Dei gratia Rothom archiepiscopus salutem in Domino Ad universitatis vestre noticiam volumus pervenire quod Petrus de Cantelou ad nostram accedens presentiam quicquid juris habebat vel habere poterat in capella de Maisnillo Terrici in manu nostra libere et quiete reddidit Nos autem ad petitionem ipsius Petri predictam capellam cum omnibus pertinentiis suis dilectis filiis nostris Roberto priori et canonicis S Laudi Rothomagensis et eorum ecclesie in proprios usus possidendam divine pietatis intuitu salvo iure pontificali et parrochiali in puram et perpetuam donavimus elemosinam Ut autem hec nostra donatio rata et inconcussa permaneat et perpetuam obtineat firmitatem eam presenti scripto et sigilli nostri munimine roboravimus Testibus Ric decano Rothom Magistro Ioh Sagiensi Magistro Rob Balbo Magistro Iohanne Cornub et Rogero de Mala palude canonicis Rothomag Guilleberto de Walemont Magistro Symone medico Magistro Simone Britone Radulfo de S Macuto et multis aliis Datum per manum Rob de S Nicholao capellani nostri apud Devillam anno Incarnationis Dominice MCC secundo xiii Kalendas Iulii
Source (click image below to view full size)
