Charter Document - 06150032
| Charter Number: | 06150032 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1164 - 1202 |
| Date type: | Assigned |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 26 H 121/1 |
Charter:
Omnibus ad quos presens scriptum pervenerit Robertus Rothomag ecclesie decanus eiusdem que ecclesie capitulum salutem in domino Docet rogat suadet religio veritati testimonium perhibere Inde est quod universitati vestre notum esse volumus quod cum Rogerius de Paveilleio miles ius presentationis in ecclesia beate Marie de Mesnillo Enardi quod utique ius ad ecclesiam beati Laudi Rothom certum est pertinere sibi vendicare contenderet in nostra tandem presentia constitutus Deo et ecclesie beati Laudi et canonicis in eadem constitutis quidquid iuris in prefata ecclesia de Mesnillo acclamabat seu in presentatione clerici sive patronatu totum liberum et quietum in perpetuam concessit elemosinam ita ut nec ipsi nec alicui heredum suorum de cetero liceat aliquid in prefata ecclesia reclamare Quod ut ratum et inconcussum teneatur presenti scripto et sigilli nostri munimine dignum duximus roborare
Source (click image below to view full size)
