Charter Document - 06150029
| Charter Number: | 06150029 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Papal |
| Charter Type(s): | Permission |
| Date: | 1198 |
| Date type: | Internal, Calendar, Papal |
| Resource Link(s): |
SCRIPTA - Base des actes normands médiévaux |
Charter:
Celestinus episcopus servus servorum Dei dilectis filiis Priori et canonicis Sancti Laudi Rothomagensis salutem et apostolicam benedictionem Cum a nobis petitur quod justum et tam vigor equitatis quam ordo exigit rationis ut id per sollicitudinem officii nostri ad debitum perducatur effectum Sane sicut nobis intimare curastis decedentibus ecclesiarum vestrarum vicariis episcopi in quorum diecesibus ecclesie ille consistunt personas presentatas a vobis licet idoneas constituere dedignantur et quandoque per annum et amplius detinentur ut sic fructus ipsarum in suos usus malitiose convenant Unde vobis auctoritate presentium indulgemur ut si episcopi illi ultra quadraginta dies post presentationem vestram vicarios dummodo idonei sint instituere forte distulerint vobis extunc in ecclesiis vestris idoneas instituere apostolica poteritis auctoritate personas Decernimus ergo ut nulli omnino hominum liceat hanc paginam nostre concessionis infringere vel ei ausu temerario contraire Si quis autem hoc attentare presumpserit indignationem omnipotentis Dei et beatorum Petri et Pauli apostolorum eius se noverit incursum Datum Laterani vii Kal iulii pontif nostri anno septimo
Source (click image below to view full size)
