Charter Document - 06150019
| Charter Number: | 06150019 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Agreement, Grant |
| Date: | 1179 - 1183 |
| Date type: | Assigned |
| Resource Link(s): |
Archives départementales de Seine-Maritime - 26 H 59/1 SCRIPTA - Base des actes normands médiévaux |
Charter:
Notum sit omnibus presentibus et futuris quod ego Robertus prior Sancti Laudi Rothomagensis totus que eiusdem ecclesie conventus suscepimus in fratrem Galterum clericum filium Radulfi filii Rocelini ita quod omnibus diebus vite sue habebit procurationem cibi et potus in refectorio nostro aut alibi si voluerit infra eandem domum quantum unus ex canonicis nostris Et in reditu singulorum itinerum suorum habebit procurationem equi sui de feno et avena Inde est quod predictus Galterus dedit nobis viginti libras andegavensium Preterea dedit et concessit nobis in perpetuam elemosinam pro se et pro animabus patris sui et matris et antecessorum suorum viginti solidatas de redditu suo annuatim reddendas scilicet xvi sol in masuris Renaldi Heremite et iiii sol in domo Durandi carnificis super Renellam Hanc elemosinam concesserunt et super altare Beati Laudi obtulerunt ipse Galterus et tres sorores eius scilicet Iohanna cum Ludovico marito suo et Emma cum Auboldo marito suo et Hilaria cum Willelmo Pica marito eius Concessimus insuper eidem Galtero locum qui est inter aulam nostram et turrim Marcheant a fundamento et supra cum toto edificio quod Ricoardus medicus ibi fecit omni vita sua in puce habendum ac habitandum in eo Ita quod neminem ibidem et nisi ex eius propria voluntate et benigno favore aliquo tempore associabimus Pro hoc igitur beneficio predictus Galterus utilitati providens ecclesie nostre necnon et anime sue in perpetuam elemosinam item dedit nobis sex solidatas redditus in masura Ricardi Saponarii super Renellam annuente Iohanna sorore sua et Ludovico marito eius Qui ambo eidem Galtero istum redditum dederunt et penitus reliquerunt Vt autem prescripta conventio ei firma et stabilis omni vita sua permaneat presenti carta eam et sigillo nostri capituli confirmamus Actum est hoc in presentia domini Rotrodi Rothom archiepiscopi Testibus Domino Roberto de Novo burgo Roth ecclesie decano Ivone de Veteri Ponte Magistro Renaldo et Galtero de Sancto Walerico eiusdem ecclesie archidiaconis Roberto capellano et magistro Rogero normanno canonicis et Berengero presbitero Sancte Marie Rotunde De laicis Bartolomeo Fergant tunc maiore communie Roth Nicholao Groignet Ricardo Foace Helia de Sancto Laudo Nichol de Diepa Roberto filio Claremboldi Helia Crasso Willelmo de Brialte Nigasio Baignart et pluribus aliis
Source (click image below to view full size)
