Charter Document - 06150013
| Charter Number: | 06150013 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation, Grant |
| Date: | 1179 |
| Date type: | Internal, A.D., Calendar |
| Resource Link(s): |
SCRIPTA - Base des actes normands médiévaux Archives départementales de Seine-Maritime - 26 H 117/1 |
Charter:
Rotroldus Dei gratia Roth archiepiscopus omnibus ad quos presens pervenerit scriptum salutem gratiam et benedictionem Quoniam ad officium nostrum spectat providere ne rationabiliter acta tractu temporis exolescant sed beneficio litterarum ipsorum memoria perpetuetur in scripturam redigentes ad omnium notitiam volumus devenire quod Simon de Anfredivilla et Ioannes de Vivario milites ad nostram accedentes presentiam quicquid iuris in ecclesia de frobervilla se habere dicebant in manum nostram libere et quiete refutaverunt Nos autem ecclesiam predictam de frobervilla cum omnibus pertinenciis suis dilectis filiis nostris Roberto priori et canonicis Sancti Laudi de Rothomago et eorum ecclesie divine pietatis intuitu salvo iure pontificali et parrochiali in perpetuam donavimus elemosinam Quam ut firmam et inconcussam possideant sigilli nostri patrocinio congruum duximus roborare sub anathemate prohibentes ne quis eos super predicta ecclesia et eius possessionibus inquietare aut perturbare presumat Testibus Roberto venerabili Rothomagensis ecclesie decano Amico archidiacono Rainaldo archidiacono Magistro Herberto Rob capellano Helya de Warvic Roberto Osmunt Datum est anno ab incarnatione Domini MCLXXIX quinto Kl aug
Source (click image below to view full size)
