Charter Document - 06150012
| Charter Number: | 06150012 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1152 |
| Date type: | Internal, A.D. |
| Resource Link(s): |
Archives départementales de Seine-Maritime - 26 H 85/1 SCRIPTA - Base des actes normands médiévaux |
Charter:
Hugo Dei gratia Rotomagensis archiepiscopus carissimis filiis Osberto priori et conventui Sancti Laudi Rothomagensis in perpetuum Noverint tam presentes quam futuri quod feodum unius militis quod Guillelmus de Roumara tenebat de ecclesia vestra Sancti Laudi apud Brealtel clamavit quietum Deo et ecclesie Sancti Laudi per manum nostram et posuit donum super altare ecclesie vestre Quod etiam feodum reddebat ei per annum xx solidos pro custodia castelli sui quam debebat unoquoque anno per mensem et xx sol de consueto auxilio quod etiam rogatu et peticione ipsius Guillelmi vobis confirmamus et ne ullatenus violari possit presentis nostri sigilli auctoritate communimus Actum est hoc Rothomagi anno ab incarnatione MCLII principante in Normannia duce Henrico Ego Hugo Rothomagensis archiepiscopus subscripsi Ego Gaufridus Rothomag ecclesie decanus SS Ego Osmundus archidiaconus SS Ego Radulfus thesaurarius SS Ego Guillelmus cantor SS
Source (click image below to view full size)
