Charter Document - 06150004
| Charter Number: | 06150004 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Religious |
| Charter Type(s): | History |
| Date: | 1144 |
| Date type: | Assigned |
| Resource Link(s): |
|
Charter:
Per idem tempus cum presul Constantiensis Algarus vir religiosus ac timens Deum canonicos regulares in ecclesia sancti Laudi Constantini constanti anima constituere decrevisset illa domus sancte Barbare duce Guillelmo priore bonorum coadiutore primum conventum illuc direxit filios adoptionis ibidem domino paritura eosque sane doctrine lacte dulcissimo nutritura Pervoluto etiam anno ea scilicet dominica in qua canitur officium Letare Jerusalem et conventum facite conventum ex fratribus suis prior Guillelmus induxit in ecclesiam Sancti Laudi apud Rothomagum presente Hugone Rothomagensium archiepiscopo et Algaro Constantiensi episcopo quem prior ad tam bona opera animabat pro eo quod utraque ecclesia de jure Constantiensis ecclesie erat Adduxit etiam secum fratrem suum Galterum qui apud Sanctam Barbaram habitum religionis susceperat ut videlicet in illa ecclesia viveret regulariter cuius prebenda usus fuerat seculariter
Source (click image below to view full size)
