Charter Document - 06150003
| Charter Number: | 06150003 |
|---|---|
| Cartulary Title: | Histoire du Prieuré de Saint-Lô de Rouen |
| Charter Language: | Latin |
| Charter Origin: | Papal |
| Charter Type(s): | Concession, Confirmation |
| Date: | 1143 - 1144 |
| Date type: | Assigned |
| Resource Link(s): |
SCRIPTA - Base des actes normands médiévaux |
Charter:
Innocentius episcopus servus servorum dei Venerabili fratri Algaro Constantiensi episcopo ejusque successoribus canonice substituendis in perpetuum Tunc ecclesia Dei suo ordine regitur cum eius regnum sapienti et religiose persone committitur Gaudemus admodum Karissime frater Algare Episcope quoniam te ad amministrationem Constantiensis ecclesie divina dispensatio evocavit Ideoque tibi et ecclesie tue in posterum providentes bona et possessiones immunitates et libertates que usque ad hec tempora quiete et legitime Constantiensis ecclesia noscitur possedisse tibi et tuis successoribus privilegii nostri munimine roboramus Preterea sancti Laudi que in civitate Rothomagensi sita est ecclesiam et sancti Laudi in Constantiensi episcopatu cum pertinentiis et libertatibus suis vobis ut ad canonicum ordinem redigatis assensu principis concedimus Audivimus enim ibi seculares irregulariter vivere Ita tamen ut decedentibus secularibus prebende et elemosine eorum in usus regularium cedant Obeunte vero prelato nullus ibi qualibet violentia preponatur nisi quem canonici communi assensu secundum Dei timorem et statuta sedis apostolice providerint eligendum Si quis igitur hanc nostre constitutionis paginam sciens contra eam temere venire temptaverit secundo terciove commonitus si non satisfactione congrua emendaverit potestatis honorisque sui dignitate careat et a sacratissimo corpore Domini nostri Jesu Christi alienus fiat Conservantes autem intervenientibus beatorum apostolorum Petri et Pauli meritis omnipotentis Dei gratiam et eterne vite premia consequantur Datum Vienne vi Nonas marcii
Source (click image below to view full size)
