Charter Document - 06130247

De Intrusionibus Prior hospitalis extra Bysshoppesgate queritur quod Cristina que fuit uxor Stephani de Blounnie ipsum iniuste eiecit de uno mesuagio cum pertinenciis extra Bysshoppesgate quod habuit de dono cuiusdam Stephani Marescalli qui ipsum inde feoffavit per quod feoffamentum idem prior fuit in seisina per unum annum donec eadem Cristiana ipsum inde eiecit ad dampnum suum [] Et Cristina venit et defendit vim et iniuriam et totum [] et dicit quod predictum mesuagium fuit maritagium suum et Stephanus quondam vir suus dedit mesuagium illud cuidam Ade Fabro qui inde obiit seysitus Et de eodem Ada descendit mesuagium illud cuidam Roberto filio et heredi qui mesuagium illud eidem Cristiane postea in morte sua legavit ita quod post mortem suam fuit ipsa in seysina per tres annos donec idem prior [] Et prior dicit quod verum est quod predictus Adam obiit seisitus de predicto mesuagio et quod Robertus filius eius fuit inde in seisina post mortem patris sui set dicit quod idem Robertus non obiit seisitus de predicto mesuagio nec mesuagium illud legavit eidem Cristiane nec legare potuit quia idem Robertus per longum tempus ante mortem suam dedit predictum mesuagium predicto Stephano le Mareschal qui inde fuit in seysina per longum tempus ante mortem ipsius Roberti ita quod idem Stephanus dedit mesuagium illud predicto hospitali Et quod ita sit ponit se super veredictum aldermannorum et visneti Et Cristiana similiter Et ideo preceptum est aldermannis quod faciant venire iam xij de visneto per quos [] ad recognoscendum super sacramentum suum si predictus Robertus obiit seisitus de seisina de predicto mesuagio ita quod mesuagium illud legavit eidem Cristiane sicut eadem Cristiana dicit vel si predictus Robertus per longum tempus ante mortem suam mesuagium illud predicto Stephano dedit ita quod idem Stephanus predictum priorem inde feoffavit sicut idem prior dicit Post venerunt aldermanni visneti predicti una cum xij de melioribus et legalioribus de visneto apud Turrim Londoniarum et recognoverunt coram justiciariis in presencia partium super sacramentum quod fecerunt domino regi et in fide qua ei tenentur quod predictus Robertus obiit seisitus de predicto mesuagio ita quod mesuagium illud legavit predicto Stephano qui postea dedit predicto hospitali Ideo consideratum est quod prior rehabeat seisinam suam Et Cristina in misericordia Et quia convictum est quod predictum mesuagium fuit maritagium predicte Cristiane nec vir suus illud de iure dare potuit vel vendere dictum est sibi quod inquirat sibi breve de recto si voluerit cum nullum aliud breve currat in Civitate