Charter Document - 06130245
| Charter Number: | 06130245 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Convenit inter Johannem Renger custodem Alicie filie et heredis Thome Bukerel querentem et Johannem Thoiosan de quodam debito quo predictus Thomas obligaverat eidem Johanni Tholosan quasdam domus et redditus in Civitate Londoniarum et de quibus eidem Johanni Thoiosan cartam suam de feoffamento fecerat videlicet quod idem Johannes Tolosan remisit eidem Johanni Renger quicquid exigebat in predicto debito usque ad lx libras sterlingorum Et cartas de feoffamento predictarum domuum et reddituum eidem Johanni reddidit Et pro hac [] idem Johannes Renger concessit eidem Johanni Tolosan et heredibus suis vel assignatis suis quod habeant vel teneant predictas domus et redditus usque ad legitimam etatem ipsius Alicie pro sex marcis per annum que computabuntur eidem Alicie in solucione predictarum lx librarum Ita quod cum predicta Alicia ad etatem pervenerit et quod residuum fuerit de solucione predictarum lx librarum eidem Johanni Tholosan vel heredibus suis vel assignatis suis pacare voluerit statim et sine difficultate habebit seysinam suam de predictis domibus et redditibus Si autem pacare noluerit idem Johannes Tholosan et heredes sui vel assignati tenebunt predictas domus et redditus donec plenarie receperint predictas lx libras de predictis domibus et redditibus Ita quod exitus predictarum domuum et reddituum computentur et allocentur predicte Alicie et heredibus suis quolibet anno pro sex marcis Et erit in optione ipsius Alicie vel heredum suorum cum ad etatem pervenerint quandocumque voluerint residuum predictum acquietare et domos predictas habere ut predictum est Et idem Johannes Tholosan reddet eidem Alicie predictas domus et redditus in adeo bono statu sicut eas recepit die Sancti Johannis hoc anno scilicet anno regni regis Henrici filii Johannis xxviij