Charter Document - 06130242

De forma et modo inquisicionum appellorum et attachiamentorum Quoniam hucusque inquisiciones de morte hominis et attachiamenta de appellis et similiter alia attachiamenta de novis placitis debito modo et recto facta non fuerunt provisum est per dominum regem et justiciarios suos et a maiore et civibus concessum quod decetero quando aliquod infortunium accident in Civitate de morte hominis submersi et huiusmodi statim et sine dilacione nuncietur camerario qui pro tempore fuerit et postea vicecomitibus et similiter fiat de inquisicione de morte hominis et de appellis et de attachiamentis appellatorum et omnibus aliis ad coronam domini regis spectantibus ita quod omnes huiusmodi inquisiciones appella et attachiamenta sine dilacione fiant per camerarium et vicecomites et secundum quod acciderint suo ordine statim inrotulentur et sine ulteriori dilacione attachiamenta et inquisiciones de morte hominis fiant in locis ubi huiusmodi acciderint et alibi ubicumque veritas melius inquiri poterit et si necesse fuerit fiat inquisicio per tres vel per quatuor aldermannos et wardas suas propinquiores et viciniores predictis locis Et si vicecomites noluerint interesse inquisicioni nichilominus camerarius qui recordum habet hec faciat et dicat vicecomitibus ex parte domini regis quod faciant attachiamenta que ad huiusmodi pertinent Et si vicecomites aliquas fecerint inquisiciones de huiusmodi sine camerario inquisiciones ille pro nullis habeantur Inquisiciones appella et attachiamenta statim fiant non exspectato hustengo vel aliqua alia curia Civitatis Et si vicecomites de attachiamentis faciendis negligentes fuerint camerarius hoc inrotulet in rotulo suo et ostendat justiciariis ut tunc de negligentia sua debitam penam reportent Et camerarius semper inrotulet nomina plegiorum de attachiamentis secundum quod velit inde respondere et secundum quod transgressio fuerit magna vel parva fiant attachiamenta Et si aliquod infortunium contigerit in aldermanneria aliqua et aldermannus hoc celaverit per duos dies vel plus vel minus quominus incontinenti nuncietur camerario per ipsum vel per sokam ubi illud accident aldermannus et soka sint in misericordia Et si aldermannus vel soka aliquem receptaverint in soka sua ultra tres noctes nisi sit mercator extraneus iens et rediens nullam certam mansionem habens in Civitate nec certum receptamentum vel sit homo pepudrus vel aliquis qui sit cum aliquo magnate Anglie et moram faciat in Civitate ad providendum domui domini sui vel ad alia negocia facienda vel si aliquis inplacitatus apud Bancum vel stet in Civitate pro negociis suis vel alicuius in curia domini regis expediendis extra francum plegium et talis receptatus deliquerit et fugerit et non stet recto aldermannus et tota soka sua sint in misericordia pro receptamento