Charter Document - 06130239
| Charter Number: | 06130239 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Ricardus de Totenasse queritur quod cum quadam nocte Veneris hoc anno ante quindenam Natalis Domini esset in domo sua apud Londonias in pace domini regis venerunt ad domum suam de domo Hugonis Blundi tunc vicecomitis Willelmus Aurifaber frater ipsius Hugonis Jordanus serviens ipsius Hugonis Johannes Shep bedellus ipsius Hugonis Radulfus clericus ipsius Hugonis Johannes clericus ipsius Hugonis Johannes clericus filius capellarii Adam serviens Thome de Stanes Petrus frater ipsius Ade Philippus de Enefeud Simon Vinetarius de Milkstrete et Johannes de Haneford et vi hostium domus sue fregerunt et garcionem suum ceperunt et ligaverunt et postea venerunt ad hostium camere sue et illud fregerunt et ipsum per pedes extraxerunt super gradus solarii et ipsum male verberaverunt et in corpore et sub talos et quamdam plagam ei fecerunt in capite et postea zona sua manus suas post tergum suum ligaverunt et eum turpiter per vicos de nocte [duxerunt] apud Newegate eodem Hugone presente et hoc precipiente ubi ipsum primo spoliaverunt et postea ipsum in sola camisia sua in fundum carceris miserunt et ipsum nudum super terram scobis mundatam sedere fecerunt et ipsum ferro carceraverunt et inceppaverunt et sic eum per tres dies et tres noctes contra pacem domini regis detinuerunt in prisona Ita quod replegiari non potuit nec aliquis amicus suus ad eum accedere nec victum invenire donec justiciarii domini regis ad gaolam predictam deliberandam missi ipsum ut clericum archidiaconi Londoniarum liberaverunt Ita quod postquam fuit deliberatus dedit gaolario iiij d et predicto Hugoni pro custodia equi ipsius Ricardi quem predicta nocte de domo sua abduci fecerat sex denarios scilicet pro custodia trium dierum [] Et Hugo venit et alii non venerunt Et Hugo defendit vim et iniuriam et quicquid est contra pacem domini regis Et dicit quod idem Ricardus habet quamdam uxorem Beatricem que est receptatrix latronum et datum fuit intelligi quod latrones fuerunt ibi hospitati illa nocte ubi misit predictos servos ad predictos latrones capiendos et cum venerunt ad domum illam et liberum non [potuerunt] habere ingressum hostia fregerunt et ignem et magnum incendium in domo illa invenerunt predictis Ricardo et uxore sua et garcione suo in predicta domo existentibus Et quia predictus Ricardus noluit stare paci domini regis nec plegium invenire set extraxit gladium suum et amputavit duos digitos cuiusdam servientis []