Charter Document - 06130236
| Charter Number: | 06130236 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
De Judiciis Provisum est etiam et concessum quod nullus aldermannus sit ad iudicium faciendum et reddendum inter partes postquam fuerit in consilio alicuius partis et cum parte illa steterit ubi pars illa aliquem in curia placitaverit maxime cum non possit esse pars et iudex provisum est etiam et concessum quod nullus advocatus aut placitator in aliqua curia Civitatis in loquela ubi fuerit advocatus aut placitator faciat iudicium aut reddat aut alicui iudicio in eadem curia faciendo vel reddendo intersit Provisum est etiam quod nullus implacitans vel implacitatus in aliqua curia Civitatis per suasionem aut per minas alicuius cogatur quod capiat diem amoris cum adversario suo ex quo ambo presentes fuerunt in curia nisi utraque pars tam petens quam defendens diem amoris cum instancia pecierit Provisum est etiam et concessum quod si decetero aliquis cadat in aliqua curia Civitatis versus aliquem de falsa querela sua quod non recedat inprimis de eadem curia set sit in misericordia pro falso clamore Et vicecomites capiant misericordias de huiusmodi falso querentibus secundum quod culpa eorum fuerit magna vel parva