Charter Document - 06130217
| Charter Number: | 06130217 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Rex Ricardus dedit Roberto le Herre quoddam celarium in parochia Sancti [Petri] Parvi in quo idem dominus rex solebat vina sua reponere tenendum per servicium j marce vel j galee ad scaccarium per annum Terricus de Staunford tenet modo celarium illud nescitur quo warranto Capiatur in manum domini regis donec idem Terricus [] Et super hoc Terricus profert cartam domini regis Johannis que testatur quod idem dominus rex dedit concessit et carta sua confirmavit Roberto le Herre de Saxonia quamdam domum cum pertinenciis in Londoniis in qua vina sua solebant reponi tenendam ei et heredibus suis [] reddendo inde annuatim unam galeam [] Et profert aliam cartam per quam idem Robertus eum feoffavit Et ideo inde loquendum coram domino rege Et dictum est vicecomiti quod interim permittat ipsum habere seysinam suam Et habeat [] Et quia convictum est quod predictus Robertus toto tempore suo nichil solvit de predicta firma nec Terricus similiter ideo capiantur pro arreragiis []