Charter Document - 06130212
| Charter Number: | 06130212 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Quidam Galfridus Buscy usurarius tempore regis Ricardi tenuit quamdam terram in Civitate Londoniarum que cecidit in manum eiusdem domini regis Ricardi tanquam esceta sua quam terram idem dominus rex dedit Willelmo de Suthwerk cuius filius et heres postea eam dedit priori de Mertone et quam idem prior dedit Andree Trentemars cuius heredes eam modo tenent capiatur in manum domini regis Et heredes veniant et ostendant warantum si quod inde habuerunt [] Et super hoc venit prior de Mertone et profert cartam regis Ricardi que testatur quod idem rex Ricardus dedit concessit et carta sua confirmavit dilecto et fideli suo Willelmo de Suthwerk pro servicio suo totam terram que fuit Radulfi de Buscy in Corveyseria in parochia Sancte Marie des Arches Profert etiam cartam Lucie filii et heredis predicti Willelmi de Suthwerk que testatur quod idem Lucas dedit [] deo et ecclesie Beate Marie de Mertone et canonicis ibidem deo servientibus totam predictam terram cum pertinenciis [] Ideo consideratum est quod tenentes teneant in pace et dictum est vicecomitibus quod faciat eis habere seisinam suam []