Charter Document - 06130208
| Charter Number: | 06130208 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
De eschetis domini regis tam de tenementis christianorum quam iudeorum et quis illas teneat et per quem et per quod servicium et quantum valeant dicunt maior et cives quod quidam [Martinus] de Virly Normannus tenuit duo messuagia in Civitate Londoniarum que capta fuerunt in manum domini regis Johannis tanquam eschete sue postquam recesserat de fide sua Ita quod dominus Johannes rex tradidit messuagia illa cuidam Bunrunco in Rothomago qui unum ex mesuagiis illis dimisit Leoni Judeo Et dominus rex qui nunc est dimisit aliud mesuagium Josceo Lespicer civi Londoniarum una cum xx solidis redditus in Vinetria ad voluntatem suam Mesuagium Leonis valet per annum v m aliud mesuagium fuit et est quasi vastum capiatur in manum domini regis Et tenentes veniant et ostendant warentum si quid habuerunt [] Et super hoc venit Christiana que fuit uxor ipsius Joscei Lespicer et profert cartam domini regis Henrici qui nunc est que confecta fuit v die Junii anno regni sui xj per quam dat concedit et confirmat predicto Josceo et heredibus suis xx solidatas annuas et predictum mesuagium in Civitate Londoniarum Et quia dominus rex tunc fuit infra etatem ideo loquendum cum domino rege Mesuagium Christiane valet per annum ij marcas