Charter Document - 06130191
| Charter Number: | 06130191 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Thomas de Elylaunde appellavit Johannem de Chesewike quod die Veneris in ebdomada Pasche anno xxvij in Fyshstrete ei fecit quamdam plagam in manu sinistra quodam cultello et quamdam plagam in facie et abstulit ei quendam anulum aureum precii trium solidorum et tres solidos argenti Et quod hoc fecit nequiter et in felonia et roberia et contra pacem domini regis offert [] secundum quod curia consideraverit et secundum libertatem Civitatis Et Johannes venit et defendit feloniam roberiam et totum [] Et dicit quod non debet ei respondere ad appellum istud donec idem Thomas respondent ei ad appellum suum quod prius fecerat versus ipsum Thomam de quodam mahemio quod fecerat ei in manu sinistra in eodem conflictu unde mahemiatus est Et quod hoc fecerat ei in eadem die et in eodem conflictu offert [] Post veniunt Johannes et Thomas et retraxerunt se de appellis Ideo custodiantur Thomas finem fecit per j marcam per plegium Johannis Elinaunt misericordia Johannis perdonatur quia pauper