Charter Document - 06130189
| Charter Number: | 06130189 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Simon filius Marie appellat Robertum filium Salomonis Petrum de Basingge Ricardum le Chaucer Petrum filium Rogeri Ricardum filium Baldewini Matheum Bukerel Johannem Clericum de Sacolelane Vincentium de Baketone et Matildem de Kantuaria quod ipsi die Assumptionis Beate Marie anno regni regis Henrici filii regis Johannis xxvij circa horam nonam venerunt ad domum suam et insultum fecerunt in eum Et postea in vigilia Sancti Edwardi iterum venerunt ad domum suam et ipsum inde eiecerunt et quasdam cartas de feoffamento suo ei robbaverunt et asportaverunt et xl scuta in domo sua inventa precium ix marce in roberia asportaverunt Et quod hoc fecerunt nequiter et in felonia et contra pacem domini regis offert disracionare secundum quod curia [] Postea venit Simon filius Marie et retraxit se de appello suo Ideo ipse et plegii sui de prosequendo in misericordia scilicet Hamo filius Constancie et Willelmus Fort Et Simon custodiatur