Charter Document - 06130184

Cristiana que fuit uxor Joscei le Espicer appellavit Simonem filium Marie et Robertum de Herbintun quod ipsi die Sabbati proxima post Invencionem Sancte Crucis anno vicesimo quinto circa horam terciam venerunt ad ecclesiam Omnium Sanctorum in Bredstrate et vi intraverunt ecclesiam illam et Willelmum filium Willelmi qui fuit infra etatem et in custodia sua ceperunt et de loco in locum abduxerunt et ipsum in prisona detinuerunt usque ad festum Sancte Lucie proximum sequens ita quod in prisona sua obiit Et quod hoc fecerunt nequiter et in felonia et contra pacem domini regis offert disracionare secundum quod curia [] Et unde dicit quod deteriorata est ad valenciam cc li [] Et Simon et Robertus veniunt et defendunt vim et iniuriam feloniam et quicquid est contra pacem domini regis et totum [] Et bene cognoscunt quod habuerunt predictum Willelmum et quod obiit in custodia predicti Roberti de recta morte sua et non in prisona Et quod predictum Willelmum non extraxerunt ab ecclesia nec abduxerunt vi et armis contra pacem domini regis parati sunt defendere se per legem Civitatis si lex ibi iaceat vel ponere se super veredictum maioris et civium vel alio modo sicut curia domini regis consideraverit [] Et quia custodia predicti Willelmi legata fuit predicto Josceo cum sex marcis et quatuor solidatis redditus cum pertinenciis in Civitate Londoniarum ad ponendum in usus et comodum predicti pueri usque ad etatem suam quesitum fuit per justiciarios de huiusmodi legatis in testamento ad quos post mortem patris et matris custodia puerorum suorum pertinere debeat Qui dicunt quod bene licet cuilibet de Civitate in testamento suo legare cuicunque voluerit custodiam pueri sui cum bonis et hereditate ipsius filii Ita quod idem custos omnia bona que provenient ex hereditate sua usque ad etatem suam ponet in usus et comodum ipsius pueri Si autem non legaverit et hereditas ex parte patris provenerit tunc mater ipsius pueri vel propinquiores ex parte matris habebunt custodiam cum omnibus bonis suis in forma predicta Si autem hereditas provenerit ex parte matris tunc propinquiores ex parte patris habebunt custodiam in forma predicta Ita quod custodes tenentur respondere predicto heredi cum ad etatem pervenerit de omnibus exitibus predicte hereditatis