Charter Document - 06130093
| Charter Number: | 06130093 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Eodem anno eisdem camerario et vicecomitibus existentibus accidit die Dominica in vigilia Sancti Marci Evangeliste quod quidam clericus Henricus de Bello extraneus qui occiderat Thomam de Aula in via regia iuxta domum Johannis Aubyn fugit ad ecclesiam Sancte Brigide Londoniarum de nocte ita quod vicecomites et aldermannus de warda illa fecerunt eum vigilare per noctem illam usque in crastinum Et tunc venerunt constabularius Turris Londoniarum et vicecomites et aldermanni ad predictam ecclesiam et ipse Henricus recognovit istud factum coram eis abiuravit regnum Nulla habuit catalla Et quesitum est a maiore et civibus si constabularius et vicecomites et aldermanni possunt recipere abiuracionem ab aliquo sine camerario dicunt quod sic si camerarius fuerit absens pro negocio domini regis Omnes alii attachiati pro morte illa veniunt et non malecredunt de eis Nichil de francis plegiis quia extraneus