Charter Document - 06130092
| Charter Number: | 06130092 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Eodem anno eisdem [] accidit die Lune proxima post Dominicam quadragesime quod quidam Hugo filius Willelmi serviens Rogeri Collinges vulneratus fuit in capite in quodam meddleto ubi ipse fuit de nocte et vixit per unum mensem et amplius post plagam illam et postea obiit set non de plaga illa ut maior et cives testantur super sacramentum suum et in fide qua tenentur domino regi Et predictus Rogerus dominus illius Hugonis appellavit Galfridum Golde et Henricum servientem suum de plaga illa Et Henricus obiit Et Galfridus qui fuit appellatus venit Et Rogerus qui appellavit obiit Et dominus rex sequitur plagam illam pro pace sua observanda Et quesitum est ab eo qualiter se vult defendere dicit quod inde ponit se super veredictum maioris et civium Qui dicunt super sacramentum suum et in fide qua tenentur domino regi quod predictus Galfridus non fecit ei plagam illam set predictus Henricus qui obiit fecit ei plagam illam Dicunt etiam quod idem Galfridus nec fuit in vi nec in auxilio Ideo inde quietus