Charter Document - 06130083
| Charter Number: | 06130083 |
|---|---|
| Cartulary Title: | The London Eyre of 1244 |
| Charter Language: | Latin |
| Charter Origin: | Royal |
| Charter Type(s): | Pleas of the Crown |
| Date: | 1244 |
| Date type: | Assigned |
| Resource Link(s): |
British History Online |
Charter:
Eodem anno [] accidit in octabis Sancte Trinitatis quod quidam Rogerus de Rysingges clericus et Moyses serviens eius venerunt ad domum Gilberti Marescalli et idem Rogerus percussit Matilldem uxorem ipsius Gilberti quodam martello inter humeros et predictus Moyses eam helta gladii sui in facie sua Ita quod fregit plures dentes suos Ita quod languebat usque ad diem Mercurii proxima ante festum Sancte Marie Magdalene et tunc obiit Et predictus Marescallus invenit plegios prosequendi mortem suam illam et venit Et justiciarii habent ipsum suspectum de morte illa et querunt ab eo qualiter ipse vult purgare suspicionem illam Dicit quod ponit se super veredictum maioris et civium Londoniarum et committitur vicecomitibus Postea veniunt maior et cives et dicunt super sacramentum suum et in fide qua tenentur domino regi quod predictus Gilbertus sepius verberavit predictam Matildem uxorem suam set non verberavit eam tunc unde dicunt quod non est culpabilis de morte illa Ideo inde quietus Dicunt etiam quod predictus Rogerus non percussit predictam Matilldem nec aliquod malum ei fecit set dicunt quod revera predictus Moyses percussit eam quodam martello et male illam tractavit et verberavit Ita quod si de aliqua batura obiit obiit de batura illa et potius credunt quod obiit de batura illa quam non Et ideo exigatur et utlagetur secundum formam quam justiciarii providebunt Et Rogerus sit inde quietus imperpetuum Et Gilbertus committitur gaole pro falso appello Post venit Gilbertus et finem fecit per dimidiam marcam Plegius Johannes Viel le Joeune