Charter Document - 06130061

Eodem anno eisdem camerario et vicecomitibus existentibus accidit die Dominica proxima post Ascencionem quod Johannes filius Walteri Beaubelet Willelmus et Rogerus fratres eius et Alexander Ballard et Willelmus et Johannes filii Stephani le Clutere insultum fecerunt in quemdam Johannem Wyne hominem Galfridi de Costes et fecerunt ei quatuordecim plagas ita quod pro mortuo ipsum reliquerunt et idem Johannes affidavit sequi versus eos si posset convalescere et postea convaluit et non est prosecutus appellum set dominus rex sequitur versus eos Et Walterus Beaublet et Alexander Ballard obierunt Et Willelmus filius Stephani attachiatus rectatus de plagis illis venit Et Johannes Beaublet et Alexander Ballard obierunt Et Willelmus filius Stephani defendit feloniam et quicquid est contra pacem domini regis et sponte ponit se super recordum camerarii et vicecomitum et aldermanni sui et warde sue Et Willelmus filius Walteri Rogerus et Johannes rectati de facto et Walterus de consensu et receptamento defendunt feloniam [] et volunt defendere se secundum legem et consuetudinem Civitatis Londoniarum Et quia predictus Johannes Wyne non est prosecutus suum appellum ideo in misericordia et capiatur Et quia lex Civitatis si vadiata fuerit et defectus fuerit in lege et vita et membrum pari passu ambulant et in casu isto non iaceat periculum vite et membrorum ex quo idem Johannes vivit et non sequitur consideratum est quod lex non iaceat Set inquisicio fiat de facto per maiorem et cives Qui dicunt super sacramentum suum quod fecerunt domino regi et in fide qua ei tenentur quod omnes predicti sunt culpabiles de plagis illis et nullus alius Et dicunt quod concordati sunt Ideo committantur gayole finem fecerunt quia pauperes per j m Plegii Willelmus le Moneour et Laurencius de Frowyk