Charter Document - 06110018
Charter Number: | 06110018 |
---|---|
Cartulary Title: | Charters and Custumals of Shaftesbury Abbey, 1089-1216 |
Charter Language: | Latin |
Charter Origin: | Religious |
Charter Type(s): | Notification |
Date: | 1190 - 1199 |
Date type: | Assigned |
Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hugo dei gracia abbas et conventus de Alevcestr salutem in domino Ad universitatis vestre noticiam volumus pervenire controversiam que vertebatur inter nos et Marie dei gracia abbatissam ecclesie sancti Edwardi et eiusdem loci conventum super capella sancti Jacobi de Cuphull coram R priore de Stodl et magistro W de Werdon iudicibus apostolica sede delegatas sub tali forma pacis conquievisse videlicet quod concessimus abbatisse et monialibus quod prefatam capellam cum omnibus pertinenciis suis tanquam suam propriam quietam habeant et inperpetuum possideant et donacio ipsius capelle perpetuo pertineat ad ecclesiam sancti Edwardi hactenus quod quicumque prefatam capellam tenebit pro bono pacis concordie tenebitur ecclesie nostre solvere singulis annis duos solidos in festo sancti Johannis Baptista Et si forsitan clerici qui ipsam capellam tenebunt memoratos duos solidos termino statuto solvere neglecte erint vel distilla erint concessum est a predicta abbatissa et monialibus quod ipse super hoc infra octabas sancti Johannis Baptiste satisfacient illi quem nos procuratorem constituimus ad redd nostros apud Sanctum Edwardum colligendos Et si mora facta fuerit in solvendo ita quod oporteat nos laborare et expendere occasione detencionis domina abbatissa nobis racionabiles expensas [] et conservabit nos indemnes Et ut hec concessio stabilis perseveret eam sigillorum nostrorum apposicione confirmavimus T[estibus] Maurico et Alvredo monachis magistro Absolon magistro A de Glovern J capellano abbatisse de Sancto Edwardo magistro J de Cemay Alano T clericis suis Hamel de Columbar Roberto de Hageham Roberto filio suo et aliis